Pan kav fer konsiltasion, tiena irzans?
Aret fer komik tiena plin lozasion pu dir lepep ki zot pu repus pansion vieyes a 65 an kuma Sithanen ti rod fer dan so bidze 2006/07 malgre ki li ti anons krwasans mwayen de 8% ek so flat tax 15% (ek sa kalite krwasans la Moris ti bizn gayn, Aaa, meyer reting Moody's). Ala 11 lokazion:
1. ant 2014 ek 2024 pandan ki zot ti dan karo kan
2. pandan kanpayn elektoral 2024 (sirtu ler pe fer port a port)
3. lor zot paz FB ek ban lezot rezo sosio
4. ler zot fin al lor radio
5. dan ban program MBC avan eleksion
6. dan zot manifest elektoral (get kuma kuvertir ti bizin ete)
7. dan State of the Economy
8. dan diskur program
9. dan konsiltasion pre-bidzeter
10. pandan kanpayn eleksion minisipal
11. par organiz ban tripartit pu diskit sa
Pa tiena lot alternativ?
Si zot ti sezi en sa 11 lokazion la zot ti pu dekuver omwin 7 alternativ a ras manze depi dan labus fitir pansioner san ki zot bizin met zot tisert Anna u Anjalay avan al patoz dan labu ek lamar ek zot trwa lezel.
1. Les fair-share contribution pu tultan en non pa zis pu 3 an parski zot fin truve kuma unfair-share contribution ant 2006 ek 2024 fin rwin nu pei. De tut le fason si revin an mode unfair-share contribution nu pu res mari pre ek junk status tultan.
2. Met ankor de braket tax ek/u en wealth tax. En dividen 1 milyar rupi pu 2 dimun bizin taxe a 95% e non pa a 0% byin ki Sithanen truv sa normal ki li ti zero. Sa ti pu finans BRP pu en an pu ban 60-64 an pu plis ki 5,000 dimun.
3. To friz sa 14 milyar rupi initil ki to anvi depanse lor konstriksion nuvo sime lor prosin 5 an (in ranz 1,035km nuvo sime ant 2006 ek 2022 ki ti deza to buku) e reget ban lezot item dan bidze. Kav pran sa 14 milyar rupi la pu retap nu system lasante piblik parski fin ena 154 milyar rupi de su-depans/su-investisman dan sa system la depi ki Sithanen ti kumans frir lekonomi ek so flat tax 15% an 2006.
4. Me en frin a ban kontra IPP marday ki pe plis Morisyin e detrir nu konpetitivite ek ban randman aniel de plis ki 35% depi plis ki 20 banane lawsi san ki zot pran oken risk. Assirvaden bizin updayt nu lor ban term ki fin renegosie sa 3 kontra IPP kin expire dernie 9 mwa. Li esansiel kin regle sa parski li pu redinamiz lekonomi e konpans pu tarif Amerikin e ba developman potansielman defavorab par rapor a AGOA.
5. Diminie gaspiyaz. Anu dir ena 10% gaspiyaz lor sa 224 milyar ki guvernman pu depanse dan FY25/26. Be si redwir gaspiyaz par 5% nu pu ekonomiz 1.1 milyar rupi ziska Zin 2026. E 3.6 milyar ziska Zin 2028 lor 736 milyar rupi depans.
6. Met an plas ban lezot politik ki grosi lekonomi pli vit.
7. Ti kav osi prezant bidze in prezante le 5 Zin 2025 lafin Novam 2024 e 21 milyar rupi ti pu fini rant dan lakes guvernman la. Pey BRP a ban seki gayn 60 an prosin 12 mwa pu kut selman apepre 3 milyar rupi.
Pan konsilte Subron. Me Sithanen in travay lor la. Pa lezitim. Indepandans. Konfli intere. Bes tax. Fasad. Wax lyrical. Monocrop to monorisk.
Bom in eklate. Sutenabilite
Sutenabilite = Tax rate (striktir taxasion) X Groser Lekonomi (krwasans)
Suinvestisman dan lasante piblik, edikasion e leres sekter dernie 20 an.
Pan regle problem nasional.
Boom Padayachy 6%.
Kifer. Ofsor, finansman politik.
Ka lakur.
Lekonomi 2.3X fwa pli piti ki seki li ti bizin ete.
Idio itil pan tir sonet dalarm tu sa letan la.
Rezon falasie an 2006 ek 2025. Kovid. Ukrayn.
Kas Sagos.
WTVF.
